HEQJA E TATUAZHEVE NË SHQIPËRI

Trajtimi i Tatuazheve në Shqipëri me lazer.

Laseri Q-Switched është trajtimi i vetëm i aprovuar për heqjen e tatuazheve, efektiv dhe i sigurt për heqjen edhe të ngjyrave më të vështira për tu hequr.

PICOLASER përfaqëson evolucionin e lazerëve Q-Switched pasi përdor impulse me një kohëzgjatje prej më pak se një trilion të sekondës, pra njëqind herë më të shkurtër dhe me fuqi më të madhe se sa lazerat e tjerë.

Pse Picolaser Q-Switched është një trajtim i sigurt?

Lazeri Q-Switched është më i sigurti nga metodat e tjera të heqjes së tatuazhit pasi lejon trajtimin në mënyrë selektive të tatuazhit ose zonës së pigmentuar.

Cilat janë avantazhet e Picolaser Q-Switched?

Në krahasim me lazerët klasikë Q-Switched, avantazhet e heqjes së tatuazheve me këtë teknikë lazeri janë:

• trajtim më pak invaziv,
• pa shenja,
• kohë rekuperimi minimale,
• pa anestezi

dhe mbi të gjitha më pak seanca për të arritur qëllimin. Me Picolaser është gjithashtu e mundur të trajtoni tatuazhet që nuk i përgjigjen më trajtimeve klasike me lazer Q-Switched dhe të hiqni aureolën e mbetur.

Ku të drejtohemi për të eliminuar një tatuazh?

Eshte e rëndësishme dhe thelbësore që trajtimi të kryhet nga një mjek i specializuar dhe kompetent, në ambjentet e duhura,në një strukturë serioze dhe të besueshme, si për sigurinë e pacientit (shmangien e komplikimeve të mundshme) ashtu edhe për një rezultat përfundimtar optimal.

Mos harroni se lazerët Q-Switched mund të përdoren vetëm nga mjekë të specializuar.

Si funksionojnë Picolasers Q-Switched?

Picolasers Q-Switched lëshojnë një sasi të madhe energjie, në formën e dritës, me kohëzgjatje shumë të shkurtër. Grimcat e bojës së tatuazhit të goditura nga rrezja e lazerit janë të fragmentuara në grimca më të vogla që mund të eliminohen nga makrofagët (qelizat pastruese të trupit tonë). Emetimi i rrezes lazer në një kohë kaq të shkurtër lejon kufizimin e efektit termik vetëm në objektivin që do të goditet, duke ruajtur indet përreth.
Që trajtimi të jetë efektiv, rrezja lazer duhet të absorbohet nga ngjyra e tatuazhit.

Sa seanca nevojiten për heqjen e Tatuazheve?

Numri i seancave të nevojshme nuk mund të përcaktohet para trajtimit. Ka disa faktorë që kontribojnë në numrin e seancave, të tilla si natyra e pigmentit (shpesh e panjohur nga pacienti), thellësia e tij, aftësia e qelizave fagocitike për të kapur grimcat e bojës së tatuazhit dhe për t’i hequr ato.

A është i dhimbshëm trajtimi për heqjen e tatuazheve?

Trajtimi nuk kërkon anestezi të përgjithshme pasi niveli i dhimbjes është i tolerueshëm.
Vetëm në disa raste përdoret krem ​​anestezik.

Cilat ngjyra mund të trajtohen?

Gjatësia e valës klasike 532 nm dhe 1064 nm, e kombinuar me gjatësinë e valës së re dhe ekskluzive 670 nm dhe kohëzgjatjen e pulsit ultra të shkurtër, lejojnë jo vetëm trajtimin e tatuazheve në ngjyrë të zezë në mënyrën më të mirë të mundshme por edhe të atyre me ngjyrë, në veçanti të kuqe, blu dhe jeshile.

Cilat rezultate priten?
Shumica e tatuazheve mund të eliminohen plotësisht.

Cilat efekte anësore mund të shfaqen?
Forca e kësaj teknologjie është një valë akustike e gjeneratës së re, e karakterizuar nga mungesa e nxehtësisë, për këtë arsye pacienti nuk ka shenja të bezdisshme pas trajtimit. Kjo e bën atë shumë më efektive dhe më pak invazive në lëkurë, duke minimizuar shqetësimin gjatë trajtimit dhe gjithashtu duke shmangur efektin ndriçues të njohur si “fantazmë” ose “tatuazh fantazmë”.