NJOLLAT ​​E LËKURËS

Çfarë janë Njollat e lëkurës dhe si Trajtohen ato?

Njollat kafe të lëkurës ose të njohura ndryshe si Hiperpigmentim përcaktohen si një ndryshim i ngjyrës së lëkurës. Hiperpigmentimi  shkaktohet nga ekspozimi i tepruar ndaj rrezeve të diellit, çka sjell akumulimin e melaninës ne zona të caktuara të lëkurës.

Ato ndodhin kryesisht në zonat e ekspozuara nga dielli, në pjesën e sipërme të duarve, ballë, faqe, mjekër, qafë dhe dekolte.

Lazeri Q-Switched, i cili njihet si GOLD STANDARD, konsiderohet si një nga më  të  përshtatshmit për trajtimin e njollave.

Si funksionon lazeri Q-Switched?

Lazeri Q-Switched lëshon energji të larta në kohë shumë të shkurtër (nanosekonda) duke lejuar fragmentimin e pigmentit i cili përthithet nga qelizat (makrofagët) normalisht të pranishëm në lëkurë.

Pse lazeri Q-Switched preferohet nga trajtimet e tjera?

Krahasuar me trajtimet e tjera (për shembull Pulsed Light, CO2 Laser , Peeling ), Q-Switched Laser lejon të përdoren fuqi të larta duke shmangur goditjen e indeve përreth me energji termike. Kjo maksimizon sigurinë dhe efikasitetin e trajtimit.

Cilat janë avantazhet e lazerit Q-Switched?

Ndër avantazhet e lazerit Q-Switched përmendim:

• trajtim më pak invaziv,
• pa shenja,
• kohë minimale rekuperimi,
• pa anestezi.

Sa seanca nevojiten për trajtimin e lëkurës?

Në shumë raste (për shembull për njollat e shkaktuara nga dielli) një seancë e vetme mund të jetë e mjaftueshme.